Áskerı polısıaǵa qatysty birneshe qujat jobalary ázirlendi.
Áskerı polısıa bas basqarmasy QR Qarýly Kúshteri áskerı polısıa organdarynyń patrúldik-bekettik qyzmetiniń is-áreketin uıymdastyrý qaǵıdalaryn qaıta pysyqtady dep habarlaıdy Almaty-akshamy.kz QR Qorǵanys mınıstrligine silteme jasap.
Atalǵan ereje aıasynda quqyq tártibin qamtamasyz etýge, qylmysqa jol bermeý, sondaı-aq zań buzý derekterin anyqtaýǵa baǵyttalǵan áskerı polısıa organdarynyń patrúldik-bekettik qyzmetin uıymdastyrý tártibi aıqyndalady.
Buıryq jobasynyń tolyq mátinimen «Elektrondyq úkimet» portalyndaǵy "Ashyq NQA" bóliminde tanysýǵa bolady.
Sonymen qatar, Áskerı polısıa bas basqarmasy «Qazaqstan Respýblıkasy Qarýly kúshteri Áskerı polısıa organdarynyń gaýptvahtasynda ustalatyn áskerı qyzmetshilerdi (ákimshilik qamaýǵa alynǵan áskerı qyzmetshilerden basqa) gaýptvahtadan tys jerde kúzetý jáne alyp júrý qaǵıdalarynyń» jobasyn ázirledi.
Qaǵıdalar áskerı polısıa organdarynyń gaýptvahtasynda ustalatyn áskerı qyzmetshilerdi kúzetý tártibin aıqyndaıdy.
Munymen qosa, Áskerı polısıa bas basqarmasy QR Qarýly Kúshteri Áskerı polısıa organdarynyń gaýptvahtasynda kúdiktiler men aıyptalýshylardy ustaý jáne ishki tártip erejelerin qaıta qarady.
Budan bólek, Áskerı polısıa bas basqarmasy QR Qarýly kúshteri Áskerı polısıa organdarynyń kólik quraldarynyń qozǵalysy qaýipsizdigin qamtamasyz etý jónindegi qyzmetin uıymdastyrý qaǵıdalaryn qaıta qarady.
Qujat jobasynyń tolyq mátinimen «Elektrondyq úkimet» portalyndaǵy «Ashyq NQA» bóliminde tanysýǵa bolady.