Azamattarǵa derbes shaqyrtý qaǵazy nemese 1414 qyzmeti arqyly SMS-habarlamalary jiberiledi.
Elimizde azamattardy kóktemgi merzimdi áskerı qyzmetke shaqyrý bastaldy, dep habarlaıdy Almaty-akshamy.kz
Prezıdent jarlyǵyna sáıkes, 1 naýryzda qalalyq jáne aýdandyq áskerge shaqyrý komısıalary azamattardy kóktemgi merzimdi áskerı qyzmetke shaqyrýdy bastady.
QR Qarýly Kúshteri Bas shtaby uıymdastyrý-jumyldyrý jumystary departamenti bastyǵynyń orynbasary, polkovnık Azamat Dosymovtyń aıtýynsha, kóktemgi merzimdi áskerı qyzmetke shaqyrý 30 maýsymǵa deıin jalǵasady.
"Qarýly Kúshterdiń, basqa da áskerler men áskerı quralymdardyń qataryn áskerge shaqyrýdy keıinge qaldyrýǵa nemese odan bosatýǵa negizderi joq, 18 ben 27 jas aralyǵyndaǵy 20 myńnan astam er azamat tolyqtyrady. Onyń ishinde, Qarýly Kúshterge 9 myńnan astam, Ulttyq ulanǵa 6 myńnan astam, Shekara qyzmetine 3 myńǵa jýyq, Tótenshe jaǵdaılar mınıstrligine 300 astam, memlekettik kúzet qyzmetine 300 jýyq adam qabyldanady", - dedi Dosymov.