Áskerı quralymdardyń qataryna 35 myńnan astam adamdy shaqyrý josparlanǵan.
Qazaqstanda 1 qyrkúıekten bastap kúzgi áskerge shaqyrý kezeńi bastaldy. Tórt aı ishinde Qarýly Kúshterdiń, basqa da áskerler men áskerı quralymdardyń qatary 18-27 jas aralyǵyndaǵy 18 myńǵa jýyq jańa býynmen tolyqpaq, dep habarlaıdy Almaty-akshamy.kz QazAqparatqa silteme jasap.
Buǵan deıin Ranking.kz habarlaǵandaı, tórt jylda áskerge shaqyrylǵandardyń 15,8 paıyzy ǵana alynǵan.
Osy oraıda QR Qorǵanys mınıstrligi áskerge barý merzimin qandaı jaǵdaılarda keıinge qaldyrýǵa bolatynyn túsindirdi. Sonymen qatar, qorǵanys vedomstvosynyń mamandary áskerden jaltaryp júrgenderdiń portretin sıpattap berdi.
«QR Prezıdentiniń Jarlyǵyna sáıkes, 2022 jyly Qarýly Kúshterdiń, basqa da áskerler men áskerı quralymdardyń qataryna 35 myńnan astam adamdy shaqyrý josparlanǵan. Onyń ishinde kóktemde 17 myńǵa jýyq adam shaqyrylsa, kúzde 18 myńnan astam adam ásker qataryna keledi dep josparlanyp otyr», - delingen Qorǵanys mınıstrligi baspasóz qyzmetiniń málimetinde.