Sońǵy ýaqytta áleýmettik jelilerde azamattardy áskerı qyzmetke shaqyrý kezindegi problemalyq máseleler belsendi talqylanýda, dep habarlaıdy Almaty-akshamy.kz.
Bizdiń elimizdi qorǵaý árbir azamattyń qasıetti boryshy jáne konstıtýsıalyq mindeti bolyp tabylatynyn (Konstıtýsıanyń 36-baby) jurtshylyqqa jetkizemiz.
Jyl saıyn Qazaqstan Prezıdenti azamattardyń shaqyrýyn jarıalaıdy. Ony uıymdastyrý jergilikti atqarýshy organdarǵa júktelgen jáne «Áskerı qyzmet jáne áskerı qyzmetshilerdiń mártebesi týraly» zańǵa (budan ári – Zań) sáıkes júzege asyrylady.
Áskerge shaqyrýdy keıinge qaldyrýǵa nemese shaqyrýdan bosatýǵa quqyǵy joq 18-27 jas aralyǵyndaǵy azamattar shaqyrýǵa jatady (Zańnyń 31-baby).
Áskerı qyzmetke shaqyrylýǵa jatatyn azamattar jergilikti áskerı basqarý organynyń shaqyrý qaǵazy boıynsha shaqyrý komısıasyna kelýge mindetti.
Shaqyrý qaǵazyn azamattyń jeke ózine tapsyrý múmkin bolmaǵan jaǵdaıda, onyń kelýin qamtamasyz etý tıisti ishki ister organyna júkteledi (Zańnyń 30-baby).
Áskerı mindetti oryndaýdan jaltarǵan adamdardy izdestirýdi de ishki ister organdary júzege asyrady (Zańnyń 17-b. 3-t.).
Bul rette, áskerı qyzmetten jaltarý Qylmystyq kodekstiń 387-baby boıynsha qylmystyq jaýaptylyqqa ákep soǵady, onda 1000 AEK-ke deıingi aıyppuldan bastap 3 jylǵa deıingi merzimge bas bostandyǵynan aıyrýǵa deıin jaza kózdelgen.
Baıandalǵandy eskere otyryp, azamattardy sanaly bolýǵa, al jurtshylyqty júrgizilip jatqan shaqyrý naýqanyna túsinistikpen qaraýǵa shaqyramyz.