Elimizdiń kez kelgen óńiri «qyzyl» aımaqqa ótkende, Ashyq júıesi iske qosylýy múmkin.
Bul týraly QR DSM ınfeksıalyq aýrýlardy epıdemologıalyq baqylaý basqarmasynyń basshysy Roza Qojapova aıtty, dep habarlaıdy Akmaty-akshamy.kz QazAqparatqa silteme jasap
«Belgili bir óńir matrısaǵa sáıkes «qyzyl» aımaqqa ótken jaǵdaıda, qatań karantın engizý máselesi qarastyrylady. Búginde bir óńir – Nur-Sultan qalasy ǵana «sary» aımaqta tur. Óńir «sary» aımaqta bolǵan kezde, bızneske júkteme túsiretin qandaı da bir qatań shekteý is-sharasy kózdelmegen», - dedi ol Ortalyq komýnıkasıalar qyzmetindegi baspasóz máslıhatynda BAQ ókilderiniń saýalyna oraı.
Sonymen qatar ol Ashyq júıesin engizý múmkindigine qatysty saýalǵa da jaýap berdi.
«Óńir «qyzyl» aımaqqa ótken jaǵdaıda, Ashyq júıesi jáne eki kezeńnen turatyn shekteý is-sharalary engizilýi múmkin. Biraq, bul is-sharalar «Atameken» ulttyq kásipkerler palatasymen talqylaý satysynda tur», - dedi Roza Qojapova.
Basqarma basshysy búkil sheshim vedomstvoaralyq komısıa qaraǵannan keıin ǵana qabyldanatyndyǵyn basa aıtty.