Almatyda "Ashyq aspan astyndaǵy kınokórsetilim” jobasy óz jumysyn bastady dep habarlaıdy aqshamnews.kz. Jastar saıasaty basqarmasynyń qoldaýymen, qala volonterleriniń bastamasymen júzege asyp jatqan bul joba – qala turǵyndary men jastaryna jaz mezgilin qyzyqty ári paıdaly ótkizýdiń taptyrmas múmkindigi.
Erekshe formattaǵy bul bastama – qaladaǵy mádenı demalysty qoljetimdi etip qana qoımaı, otandyq kınoındýstrıany nasıhattaý men tanymal etýge baǵyttalǵan. Uıymdastyrýshylardyń aıtýynsha, kınokórsetilimder Almatynyń barlyq 8 aýdanynda apta saıyn ótetin bolady. Bul – ár aýdan turǵyndaryna sapaly kınotýyndylardy tegin tamashalaýǵa jol ashatyn tamasha múmkindik.
Jobanyń ashylý keshinde sóz sóılegen Almaty qalasy volonterler front-ofısiniń jetekshisi Baǵdat Anarbaeva kınokórsetilimniń mańyzdylyǵyna toqtalyp, bul bastamanyń qoǵammen baılanys ornatýdaǵy rólin erekshe atap ótti:
– Búgin biz qala turǵyndary úshin erekshe atmosfera syılaıtyn “Ashyq aspan astyndaǵy kınokórsetilimderdi” bastap jatyrmyz. Bul tek fılm kórý ǵana emes – bul adamdar arasyndaǵy baılanys, ashyq dıalog, mádenıet pen otandyq ónerge qurmet. Endi ár apta saıyn qalamyzdyń ár aýdanynda otandyq fılmderdi kórermen nazaryna usynamyz. Volonterlerdiń belsendiligi men qoǵamǵa paıdasy osyndaı jobalar arqyly odan ári arta túsedi dep senemiz, – dedi ol.
Keshke qatysqan kórermenderdiń de áseri erekshe. Jastar úshin mundaı is-sharalar ózara tanysýǵa, ortaq qyzyǵýshylyq tabýǵa, rýhanı baıyp, bos ýaqytyn tıimdi ótkizýge múmkindik beredi. Keshke alǵash ret qatysqan qala turǵyny, stýdent Aızere Qalı bylaı dep pikir bildirdi:
– Mundaı is-sharalar – biz sekildi jastar úshin úlken motıvasıa. Birinshiden, otandyq kınony qoldaımyz, ekinshiden, tabıǵat aıasynda, ashyq aspan astynda ýaqyt ótkizý – erekshe áser syılaıdy. Men búgin ózim úshin jańasha emosıa aldym. Osyndaı formattaǵy mádenı keshter jıi ótip tursa eken, – deıdi Aızere.
Aıta keteıik, Almaty qalasynda jyl saıyn jastarǵa arnalǵan 1000-nan astam ekologıalyq, mádenı, sporttyq jáne bilim berý baǵytyndaǵy jobalar júzege asyrylady. Bul bastamalardyń barlyǵy – jastardyń shyǵarmashylyq áleýetin arttyrýǵa, olardy qalanyń mádenı-qoǵamdyq ómirine tartýǵa jáne bos ýaqytyn qyzyqty ótkizýge arnalǵan.
«Ashyq aspan astyndaǵy kınokórsetilim» – sol jobalardyń jarqyn úlgisi. Ol tek kóńil kóterý ǵana emes, ulttyq kınony dáripteıtin, kórermen men óner arasynda rýhanı kópir ornatatyn áleýmettik-mádenı bastama bolyp otyr.