Ǵalymdar adam densaýlyǵyna eń qaýipti ári zıandy emosıany anyqtady.
Amerıka qurama shtattaryndaǵy Kolýmbıa ýnıversıtetiniń Irvıng medısınalyq ortalyǵynda bul baǵytta arnaıy júrgizilgen zertteýde tájirıbege qatysýshylar ashý-yza, úreı men qaıǵy sıaqty túrli emosıalardy bastan keshirdi.
Sonymen qatar, beıtarap tapsyrmalardy oryndady. Nátıjesinde ashýdyń qan tamyrlarynyń keńeıýine eń úlken keri áserin tıgizetinin kórsetti. Onyń zıandy áseri shamamen 40 mınýt boıy saqtalatyn bolyp shyqty, dep habarlaıdy Almaty-akshamy.kz.
Ǵalymdar ashý-yzanyń qan tamyrlary endotelııiniń qyzmetin buzatynyn, al bul jaıt óz kezeginde aýyr júrek-qan tamyrlaryn asqyndyrýy múmkin ekenin alǵa tartyp otyr.
Glenn Levın esimdi Beılor medısına kolejiniń dárigeri ashý-yza nemese stress sıaqty kúshti emosıalyq kúıdiń aýyr júrek-qan tamyrlary aýrýlarynyń qozdyrǵyshy bolýy múmkin ekenin atap ótti. Osyndaı tujyrym jasaǵan ǵalymdar ashý-yzaǵa erik bermeýdiń mańyzdylyǵyn atady.