Bul ózgeris 2023 jyldyń 10 jeltoqsanynda kúshine enedi.
ASHM jabyq topyraqta kókónis ósirýdiń tabystylyǵyn arttyrý arttyrý maqsatynda basym daqyldar sheginde ósimdik sharýashylyǵyn sýbsıdıalaý qaǵıdalaryna tıisti ózgerister engizdi. Túzetýler maýsymaralyq kezeńde sýbsıdıalaý mólsherlemeleri boıynsha 1 gektarǵa shyǵyndardy (elektr energıasy, gaz, kómir úshin) sýbsıdıalaýdy kózdeıdi, dep habarlaıdy Almaty-akshamy.kz
Basym daqyldardyń tizbesin jáne sýbsıdıalaý normatıvterin jergilikti atqarýshy organdar bekitýi tıis. Búgingi tańda Túrkistan oblysy men Shymkent ákimdikteri ónerkásiptik jáne fermerlik jylyjaılar úshin aǵymdaǵy jylǵa arnalǵan sýbsıdıalardyń kólemi men normatıvterin bekitti.
JAO qabyldaǵan normatıvter sýbsıdıalaýdyń biryńǵaı memlekettik aqparattyq júıesiniń (SBMAJ) bazasyna engizildi. Ótinimderdi qabyldaý 2023 jyldyń 20 jeltoqsanyna deıin ashyq.
Búdjet qarajatyn tıimdi jumsaý, sondaı-aq barlyq agrotehnologıalar saqtalatyn jylyjaılardy qoldaý úshin óndiris tehnologıalaryna sáıkestik sertıfıkatynyń (esebiniń) bolýy mindetti talap bolyp tabylady. Ulttyq standartty QR SIM Tehnıkalyq retteý jáne metrologıa komıteti ASHM jáne bıznes ókilderimen birlesip ázirledi. Ol 2023 jyldyń 1 mamyrynan bastap kúshine endi.
2023 jylǵy 1 jeltoqsandaǵy jaǵdaı boıynsha 756 ótinim qabyldanyp, fermerlik jylyjaılar úshin 726 sertıfıkat berildi. Jumysta 30 ótinim bar.
Sertıfıkat alý boıynsha barlyq suraqtar boıynsha QR SIM Tehnıkalyq retteý jáne metrologıa komıtetine habarlasýǵa bolady. Standart new-shop.ksm.kz saıtynda ornalastyrylǵan.
Sonymen qatar, ASHM ınvestısıalyq sýbsıdıalaý aıasynda jylyjaı keshenderin salý jáne keńeıtý jobalaryn iske asyrý kezinde úlesti 25%-dan 30%-ǵa deıin arttyrý bóliginde tıisti ózgerister engizdi.