Fıtosanıtarıalyq baqylaý júrgizý barysynda ósimdikter karantıni salasynda 1 723 buzýshylyq anyqtaldy.
Aýyl sharýashylyǵy mınıstrliginiń memlekettik ınspektorlary zańdy buzǵan eksporterlarǵa aıyppul saldy, dep habarlaıdy Almaty-akshamy.kz.
Mamandardyń aıtýynsha, eksporterlar kóp jaǵdaıda ónimdi fıtosanıtarıalyq sertıfıkatsyz alyp júrgen. Sonymen qatar, qaptamalarynda tańbalaý bolmaıdy, fıtosanıtarlyq sertıfıkat talaptaryna sáıkes kelmeıdi jáne fıtosanıtarlyq talaptar buzylǵan.
«150 jaǵdaıda karantındik obektiler anyqtalǵan. 403 jaǵdaıda karantınge jatqyzylǵan ónim eksporttaýshy elge qaıtaryldy, taǵy 8 joıyldy. Sonymen qatar, 1 406 jeke jáne zańdy tulǵalar ákimshilik jaýapkershilikke tartylyp, 92 401 241,0 teńge kóleminde aıyppul salyndy. Ázirbaıjan elinen jetkizilgen qyzanaq jemisterine karantındik fıtosanıtarıalyq baqylaý júrgizý kezinde 17 jaǵdaıda Tomato brown rugose cfruit virus (ToBRFV) vırýsy anyqtaldy. Osyǵan baılanysty Komıtet tarapynan Ázirbaıjan aýmaǵynan qyzanaq jemisterin ákelýge shekteý túrinde ýaqytsha karantındik fıtosanıtarıalyq shara engizildi», – delingen ASHM baspasóz qyzmetiniń habarlamasynda.
Zańnamalardy basshylyqqa ala otyryp jáne Ázirbaıjan Respýblıkasynyń Azyq-túlik qaýipsizdigi jónindegi agenttiginen kelip túsken karantınge jatqyzylǵan ónimdi Qazaqstan Respýblıkasynyń aýmaǵyna ákelýdiń aldyn alý boıynsha qabyldanǵan jáne qabyldanatyn sharalar týraly aqparaty nazarǵa alynyp, 2021 jylǵy 21 qańtardan bastap osy shekteý alynyp tastaldy.
Sondaı-aq, jyl basynan beri Túrkmenstannyń ósimdikter karantıni jónindegi memlekettik qyzmetiniń fıtosanıtarıalyq sertıfıkattarynyń súıemeldeýimen Qazaqstanǵa jetkiziletin qyzanaqtarǵa karantındik fıtosanıtarıalyq baqylaý júrgizý kezinde «qońyr ájim» vırýsynyń (Tomato brown rugose fruit virus (ToBRFV) 19 deregi anyqtalǵan.
Karantındik obektilerdiń júıeli túrde anyqtalýyna jáne EAEO biryńǵaı karantındik fıtosanıtarıalyq talaptarynyń buzylýyna baılanysty, QR ASHM AÓK memlekettik ınspeksıa komıteti 2021 jyldyń 7-maýsymynan bastap Túrkmenstan aýmaǵynan qyzanaq pen burysh ónimderin ákelýge tyıym salý túrinde ýaqytsha karantındik fıtosanıtarıalyq sharalardy engizdi.