Taǵy 4 joǵary oqý orny jáne 29 kolej jabylý satysynda tur.
Qazaqstanda sapa standarttaryna saı kelmegen oqý oryndary jabylyp, lısenzıalary qaıtarylyp jatyr. Bul týraly QR Bilim jáne ǵylym mınıstri Asqat Aımaǵambetov aıtyp berdi, dep habarlaıdy Almaty-akshamy.kz QazAqparatqa silteme jasap.
«Sapany qamtamasyz etý úshin baqylaý eki baǵytta júrgiziledi. Birinshisi – sapasyz joǵary oqý oryndaryn nemese kolejderdi jabý jáne olardy lısenzıadan aıyrý. Ekinshisi – joǵary oqý ornyn nemese kolejdi beıindeý, beıinine sáıkes kelmeıtin jáne suranysqa ıe emes lısenzıaǵa qosymshalardy qaıtarý», - dedi Asqat Aımaǵambetov Úkimet otyrysynda.
Qazirgi kezde tolyǵymen 15 joǵary oqý orny jáne 31 kolej jabyldy. Taǵy 4 joǵary oqý orny jáne 29 kolej jabylý satysynda tur. Mınıstrdiń málimetinshe, 61 JOO-nyń 500 baǵyty boıynsha lısenzıalary jáne 375 kolejdiń 2200 baǵytynyń lısenzıalary qaıtaryp alyndy.
«Taǵy 15 joǵary oqý orny men 47 kolejdiń beıinine sáıkes kelmeıtin lısenzıalary qaıtarý boıynsha jumys júrgizilýde. Mysaly pedagogterdi daıarlaıtyn joǵary oqý oryndarynyń sany 86-dan 50-ge deıin azaısa, zańgerlerdi daıarlaıtyn nysandar 72-den 61-ge deıin azaıdy», - dedi Bilim mınıstri.
Aıta keteıik, kelesi oqý jyly úshin joǵary oqý oryndaryna 73 myń, kolejderge 31 myń grant bólinedi.
Qazaqstanda 50-ge jýyq eski mamandyq boıynsha oqytý toqtatyldy jáne buryn bolmaǵan 60-qa jýyq mamandyq ashylǵan.
Sonymen birge, elimizde 2 jylda maman ázirleıtin «Qoldanbaly bakalavrıat» pılottyq jobasy bastalady.