Qazaqstandyq mektepter qaýipsizdik tekserisinen ótedi
Bilim jáne ǵylym mınıstri Asqat Aımaǵambetov eldegi mektepterdiń qaýipsizdik tekserisin júrgizýdi tapsyrdy, dep habarlaıdy Almaty-akshamy.kz
Ol elordalyq 58-shi mektep-gımnazıasyna antıvakserlerdiń enýine baılanysty bolǵan oqıǵadan keıin osyndaı sheshim qabyldady.
Esterińizge salsaq, buǵan deıin jelide "balalarǵa ata-anasynyń kelisiminsiz ekpe salyndy"degen vıdeo taraǵan bolatyn. Elordalyq bilim basqarmasynyń baspasóz qyzmeti balalardy vaksınalaý týraly aqparatty joqqa shyǵardy. Keıin Antıvakser Aına Bakeev jalǵan aqparat úshin 10 kúnge qamaýǵa alyndy.
Mınıstr jaǵdaı týraly da túsinik berdi. Onyń aıtýynsha, mektepte ishki tártip erejeleri buzylǵan. Ol bilim berý mekemesi der kezinde jaýap bermegenin jáne algorıtm boıynsha sharalar qabyldamaǵanyn atap ótti. Oryn alǵan jaǵdaı mektepterdegi qaýipsizdik máselesi tolyq sheshilmegenin kórsetedi. Sondyqtan qarashanyń ekinshi jartysynda búkil el boıynsha qosymsha tekserý júrgiziledi.