Jarysqa álemniń 45 elinen 250-den astam sportshy qatysýda.
Ortalyq sport klýby sport komıtetiniń áskerı qyzmetshisi 2023 jyly Qazaqstan Qarýly Kúshteriniń qorjynyna alǵashqy altyn medaldy saldy, dep habarlaıdy Almaty-akshamy.kz.
Sport komıtetiniń surmergeni Ásem Orynbaı Marokkoda stendtik atýdan álem kýbogynyń chempıony atandy. "Skeet" áıelder sanatyndaǵy komandalyq esepte ol AQSH komandasy sportshylarynyń aldyn orap, altyn medal jeńip aldy.
2023 jyldyń 11-24 qańtar aralyǵynda Rabat qalasynda stendtik atýdan álemdik týrnır ótip jatyr. Jarysqa álemniń 45 elinen 250-den astam sportshy qatysýda. Qazaqstan atynan 13 sportshy qatysyp jatyr.
Marokkodaǵy Álem kýbogy halyqaralyq sporttyq atý federasıasynyń kestesindegi reıtıńti kóterýge jáne Fransıadaǵy 2024 jylǵy XXXIII jazǵy Olımpıada oıyndaryna qatysýǵa lısenzıa utyp alýǵa múmkindik beretin reıtıńtik týrnır bolyp tabylady.