Reseıde ustalǵan ol 223 mln teńgeden astam qarjyny jymqyrdy dep kúdikke ilingen.
Kúdikti qylmystyq jaýaptylyqqa tartý maqsatynda Reseıden Qazaqstanǵa ekstradısıalandy, dep habarlaıdy aqshamnews.kz
Ol Pavlodarda 2019-2023 jyldar aralyǵynda tanystarynan bıznesti damytý úshin aqsha alyp, kepildik retinde ózine tıesili emes páterdi usynǵan.
"Onyń qylmystyq áreketteri saldarynan Pavlodar qalasynyń 66 turǵynyna jalpy somasy 223 mln teńgeden asa shyǵyn keltirildi.Qylmys jasaǵannan keıin kúdikti jasyrynyp, soǵan baılanysty ol halyqaralyq izdeýge jarıalanǵan.Ótken jyldyń jeltoqsan aıynda ol Reseı Federasıasy Adygeıa Respýblıkasynyń aýmaǵynda ustaldy, sodan keıin Qazaqstan Respýblıkasy Bas prokýratýrasynyń ótinishi boıynsha Qazaqstanǵa ekstradısıalandy",-dep jazdy Bas prokýratýra.
Qazirgi ýaqytta kúdikti ýaqytsha ustaý ızolátoryna qamaldy.
Aıyptalǵan qylmysty jasaǵany úshin múlki tárkilenip, bes jyldan on jylǵa deıingi merzimge bas bostandyǵynan aıyrý jazasy qarastyrylǵan.