«Almaty Hostel» ǵımaratyndaǵy órt oqıǵasyna baılanysty QR QK-niń 292-babynyń 3-bóligimen sotqa deıingi tergep-tekserý bastaldy (abaısyzda eki ne odan da kóp adamnyń ólimine ákep soqtyrǵan órt qaýipsizdigi erejelerin buzý), dep habarlaıdy almaty-akshamy.kz.
Bas Prokýrordyń tapsyrmasyna sáıkes qylmystyq is arnaıy prokýrordyń is júrgizý óndirisine qabyldandy.
Quqyq qorǵaý organdarynyń tájirıbeli qyzmetkerlerinen vedomstvoaralyq jedel-tergeý toby quryldy.
Órttiń shyǵý sebebi men alǵysharttaryn anyqtaý maqsatynda oqıǵa ornyna qarap-tekserý júrgizilip, saraptamalar taǵaıyndalyp, ózge de jedel-tergeý is sharalary uıymdastyrylýda.
Sol kúni osy qylmysty jasady degen kúdikpen hosteldi jalǵa berýshi Mýhamedárov A. prokýrorlarmen ustalyp, ýaqytsha ustaý ızolátoryna oqshaýlandyryldy.
Tergeý aıasynda hosteldiń qyzmet kórsetýine qatysy bolǵan barlyq tulǵalardyń áreketine quqyqtyq baǵa beriledi.
Qylmystyq is tergeýi Bas Prokýrordyń baqylaýynda.