Astanada UQK júrgizgen arnaıy operasıany buzǵan banktiń zań keńesshisi sottaldy, dep habarlaıdy almaty-akshamy.kz.
Astana qalasynyń qylmystyq ister jónindegi aýdanaralyq soty sotqa deıingi tergep-tekserý júrgizýge kedergi jasaý faktisi boıynsha isti qarady.
Sotta sottalýshy óziniń qyzmettik mindetterin atqarý kezinde sotqa deıingi tergeýden túsken saýalda tanysy týraly málimetti kórip, birden tanysy K.-ge qońyraý shalǵany anyqtaldy.
"Bank qyzmetkeri B-nyń áreketi saldarynan ulttyq qaýipsizdik organdarynyń Astana qalasyna atys qarýy men oq-dárilerdi jetkizý jolyn kesýge baǵyttalǵan arnaıy operasıanyń buzylýyna jol berildi. Osylaısha, B. óziniń qyzmettik jaǵdaıyn paıdalana otyryp, sotqa deıingi tergep-tekserýdi júzege asyratyn adamnyń qyzmetine qasaqana aralasqan. Bul ulttyq qaýipsizdik organdarynyń qylmystyq isti aldyn alýǵa baǵyttalǵan operasıanyń júzege asýyna qaýip tóndirgen", delingen Astana qalasynyń qylmystyq ister jónindegi aýdanaralyq sotynyń habarlamasynda.
Sot talqylaýy barysynda sottalýshy kinásin moıyndamady, qorǵaýshy tarap ony aqtaýdy surady.
"Sottalýshynyń kinási kýágerlerdiń aıǵaqtarymen, sot saraptamalary men mamandardyń qorytyndylarymen dáleldendi. Sot úkimimen B. bir jyl merzimge bank qyzmeti salasynda belgili bir laýazymdardy atqarý quqyǵynan aıyryla otyryp, bir jylǵa bas bostandyǵynan shekteldi", - delingen sot habarlamasynda.
Úkim zańdy kúshine engen joq