Toptyń músheleri atys qarýyn qoldanyp, túrli qaqtyǵystar uıymdastyrǵan
5 naýryzda İİM uıymdasqan qylmysqa qarsy kúres departamenti men UQK 5-shi departamenti birlesip, Qaraǵandy oblysyndaǵy krımınogendik jaǵdaıǵa uzaq ýaqyt boıy teris áser etip kelgen qylmystyq top áreketiniń jolyn kesý boıynsha arnaıy operasıa júrgizdi, dep habarlaıdy Almaty-akshamy.kz Polisia.kz-ke silteme jasap.
Bul toptyń músheleri atys qarýyn qoldanyp, túrli qaqtyǵystar uıymdastyrǵan. Osylaısha qoǵamdyq tártipti buzǵan. Jedel derekter boıynsha top músheleriniń sany 50-ge jýyq, onyń ishinde quqyq qorǵaý organdarynyń burynǵy qyzmetkerleri, sondaı-aq kúzet uıymdarynyń qyzmetkerleri de bar.
Kóshbasshy men top músheleri arasynda naqty ıerarhıa qurylǵan. Árbiriniń mindeti men óz róli bolǵan. Jasyryný sharalary qatty saqtalǵan. Ótkizilgen arnaıy is-sharalar nátıjesinde óńirdiń iri ónerkásiptik obektilerinde, onyń ishinde «Arsellor Mıttal Temirtaý» Aksıonerlik qoǵamynda taýarlyq-materıaldyq qundylyqtardy urlaý faktileri ashyldy. Top músheleriniń birqatar ashylmaǵan aýyr jáne asa aýyr qylmystarǵa qatysy bary anyqtaldy – bul bopsalaý, densaýlyqqa aýyr zıan keltirý, kisi óltirýge oqtalý jáne buzaqylyq. Arnaıy operasıa barysynda 100-den astam tintý is-sharalary júrgizildi, 9 atys qarýy, 200-ge jýyq oq-dári, granatomet, trotıl, granatalar, qujattar jáne jalǵan mórler, dinı ádebıetter, qolma-qol aqsha, jyljymaly jáne jyljymaıtyn múlik, sondaı-aq qashyqtan tyńdaýǵa arnalǵan arnaıy tehnıkalyq tyńdaý quraldary tárkilendi. Polısıaǵa 40 adam jetkizildi. Jedel-tergeý sharalary jalǵasýda.