Armıa ortalyq sport klýbynyń sportshysy Ásem Orynbaı Almaty oblysynyń İle aýdanynda stendtik atýdan ótip jatqan Azıa Kýbogynda oljaly boldy.
Oǵan Bahreın, Úndistan, Iordanıa, Iran, Qazaqstan, Katar, Qytaı, Saýd Arabıasy Koróldigi, Kýveıt, Qyrǵyzstan, Lıvan, Birikken Arab Ámirlikteri, Ózbekstan jáne Japonıadan 200-den astam sportshy qatysty, dep habarlaıdy aqshamnews.kz.
Áıelder arasynda kishi serjant Ásem Orynbaı «skıt» jattyǵýynda jeńiske jetse, ekinshi oryn kýveıttik sportshy Eman Ál Shamaǵa buıyrdy, «qolany» Katar eliniń ókili Rım Ál Sharshanı aldy.
Edýard Eshenkomen birge Ásem Orynbaı «skıt-mıks» aralas komandalyq jarysynda da altyn aldy. Jarystyń osy túrindegi «kúmisti» katarlyq atqyshtar Rashıd Saleh Ál Achba men Rım Ál Sharshanı, «qolany» Japonıa ókilderi Shotaro Togýchı men Iýka Kojıma jáne Bahreın eliniń ókilderi Tammar Ál Ýatt pen Latıfa Ál Nadjem aldy.
Ásem Orynbaı aralas komandalyq jarystarda da Zoıa Kravchenko jáne Adel Sadaqbaevamen birge óner kórsetip, chempıon atandy.