İzdeý-qutqarý jumystary jalǵasyp jatyr
Armenıanyń premer-mınıstri Nıkola Pashınánnyń sheshimimen 17 jáne 18 tamyz kúnderi Erevan qalasyndaǵy «Sýrmalý» saýda ortalyǵyndaǵy órtten adamdardyń qaza bolýyna baılanysty qaraly kún dep jarıalandy, dep habarlaıdy Almaty-akshamy.kz QazAqparat-qa silteme jasap.
Armenpress agenttiginiń málimetinshe, 16 tamyzdaǵy jaǵdaı boıynsha, Armenıa TJM izdeý-qutqarý jumystaryn jalǵastyryp jatyr. Sýramýl saýda úıinde 14 tamyz kúni jarylys bolyp, onyń arty órtke ulasqan bolatyn. Qazirgi jaǵdaımen alǵanda, 3 adam iz-túzsiz joǵalǵandar sanatynda.
Armenpress-tiń habarlaýynsha, órt 16 tamyz kúni 14:38-de oqshaýlanyp, 17:49-da tolyqtaı sóndirilgen. Órtengen jáne qutqarý júrgiziletin jer 1 gektar aýmaqty alyp jatyr.
Qutqarý jumystarynyń nátıjesinde 16 adamnyń denesi tabyldy.