Salaýda jeńiske Vaagn Hachatýrán jetti.
Vaagn Hachatýrán Armenıa Respýblıkasynyń Prezıdenti bolyp saılandy, dep habarlaıdy Almaty-akshamy.kz «Armenpress» aqparat agenttigine silteme jasap.
Agenttiktiń málimetinshe, daýys berý nátıjelerin esep komısıasynyń tóraǵasy Narek Babaıan jarıalaǵan. Prezıdent saılaýynyń ekinshi kezeńine 71 depýtat qatysyp, olardyń barlyǵy jańa Prezıdenttiń kandıdatýrasyn qoldady.
Depýtattar Vaagn Hachatýrándy dý qol shapalaq soǵyp, quttyqtady. Ol bildirilgen senim úshin alǵys aıtyp, sóz sóıledi.
Aıta keteıik, Vaagn Hachatýránnyń kandıdatýrasyn «Grajdanskıı dogovor» fraksıasy usyndy. «Aıastan» jáne «Chestımeıý» opozısıalyq fraksıalary úmitkerdiń kandıdatýrasyn talqylaýǵa jáne daýys berýge qatyspady.
Birinshi kezeńde Hachatýrán 69 depýtattyń ǵana daýysyn jınap, birden saılana almady. Al ekinshi kezeńde jeńiske jetý úshin 64 daýys jetkilikti boldy.