Almaty qalasy Medeý aýdany ákimdiginiń qoldaýymen elordanyń 25 jyldyq mereıtoıyna oraı «Arman qala - Astana» atty merekelik konsert uıymdastyryldy.
Konserttik baǵdarlamanyń maqsaty – eldiń patrıottyq rýhyn kóterý, aıbynynymyzdy asqaqtatý.
Merekeni tamashalaýǵa Almaty qalasynyń turǵyndary men qonaqtary, oqýshylar, ánshi-bıshiler jáne t.b. qatysty.
6 shilde aıryqsha kún. Tarıhı oqıǵa bolǵan kezeń. Qazaq eliniń bas qalasynyń irge tasy qalanǵan shaq. Kúlli dúnıege derbes eldiń aıbynyn tanytqan mereıli sát.
«Búgingi tańda Astana kúnine oraılastyryp konserttik is-shara uıymdastyryldy. Elimizdiń bas qalasynyń týǵan kúnin toılaý úshin ánshi, bıshi, arnaıy óner mamandary shaqyryldy. Medeý aýdanynda 17 shara qarastyrylǵan. Shamamen 300 adamǵa laıyqtalǵan konsert ótkizildi», - dedi Mádenıet jáne tilderdi damytý bóliminiń basshysy Aıdar Aıdarbekov.
Konsertke qala turǵyndary da qatysyp, merekeni tamashalap, ózderiniń kóńil-kúılerimen bólisti.
«Biz Elordamyzdyń mereıtoıyna oraı jasalǵan konsertke keldik. Ózimmen birge nemeremdi ertip ákeledim. Árbir óskeleń urpaq óz eliniń patrıoty bolǵany abzal. Elimizde tek beıbitshilik pen tatýlyq saltanat qura bersin», - dedi qala turǵyny Qaldybaı Asanov.