8 qańtarda Óńirlik komýnıkasıalar qyzmetiniń alańynda Memleket basshysynyń jaqynda bergen suhbatynda saraptamalyq talqylaýlar ótti, onda ol ishki jáne syrtqy saıasat máselelerin qozǵady, sondaı-aq eldiń áleýmettik-ekonomıkalyq damýyn qorytyndylady.
Esterińizge sala keteıik, 3 qańtarda "Egemen Qazaqstan" respýblıkalyq gazetinde Qazaqstan Prezıdenti Qasym-Jomart Toqaevtyń suhbaty jarıalanǵan bolatyn. «Assambleıa jastary» RQB múshesi, «Qazaqstan uıǵyr jastary odaǵynyń» tóraǵasy Rýstam Qaıryev bul suhbat Memleket basshysynyń jyl saıynǵy joldaýymen teń ekenin atap ótti, dep habarlaıdy Almaty-akshamy.kz.
«Suhbat óte aýqymdy, qyzyqty jáne bárin qamtyǵan. Memleket basshysy bir jyl ishinde jınaqtalǵan qoǵamnyń barlyq ózekti suraqtaryna jaýap berdi. Biz Prezıdenttiń 2023 jyldyń qalaı ótkeni, qandaı jetistikter bolǵany, ne istelgeni jáne t.b. týraly oılaryn bildik. Jalpy, ótken jyl Qazaqstan úshin basqa eldermen jemisti yntymaqtastyq jyly boldy. Memleket basshysy kóptegen elderdi aralap, jaqsy kelisimder jasady. Árbir odaq Qazaqstan úshin ekonomıkalyq ál-aýqatqa ákeledi, bul búgingi tańda bizge óte qajet. Qazirgi ýaqytta álemde ekonomıkalyq, geosaıası ózgerister oryn alyp jatqanyn eskersek, Qazaqstan barlyǵymen naqty pozısıa jasaýdam», - dep bólisti R.Qaıryev.
Sarapshylar ótken jyl Qazaqstannyń basqa memlekettermen halyqaralyq yntymaqtastyǵyn nyǵaıtýǵa baǵyttaldy degen pikirimen kelisti.
Qoǵam qaıratkeri, Qazaq tili pániniń oqytýshysy Alına Kan óz kezeginde Memleket basshysynyń suhbatyn oqyp, maqalada qoǵamdy tolǵandyratyn máseleler qarastyrylǵanyn atap ótti.
«Suhbatynda Prezıdent ishki jáne syrtqy saıasatqa qatysty kóptegen taqyryptardy qozǵady. Prezıdent turmystyq zorlyq-zombylyq máselesine toqtaldy. Men bul suhbatty barlyǵyna oqýǵa keńes beremin. Árkim óziniń kóptegen suraqtaryna jaýap tabady dep senemin», - dedi A.Kan.
Talqylaýdy jalǵastyra otyryp, Aýǵan qaýymdastyǵynyń ókili Omar Muhammedsarýar ótken jyly saıası reformalar aıasynda elde oń qadamdar bolǵanyn aıtty. Ol mańyzdy memlekettik laýazymdarǵa jańa býyn menedjerleri taǵaıyndalatynyn atap ótti.
«Suhbat óte kólemdi, aýqymdy, men ony birneshe ret qaıta oqydym. Suhbatta adamdardy, sonyń ishinde bizdi, jastardy qyzyqtyratyn kóptegen suraqtarǵa jaýaptar berildi. Men ásirese jastarǵa áser etken oń ózgeristerdi atap ótkim keledi. Máselen, ótken jyldyń qorytyndysy boıynsha májilis pen máslıhat saılaýynda jastar, áıelder jáne múgedektigi bar adamdar úshin arnaıy kvotalar qoldanylady. Sonymen qatar, mınıstrlerdiń, vıse-mınıstrlerdiń jáne vedomstvolardyń basshylarynyń laýazymdaryna Jastar kadrlyq rezervinen shyqqan adamdar taǵaıyndalady. Meniń oıymsha, elimizdiń qazirgi saıasaty, Prezıdentimiz tańdaǵan jol jastarǵa úlken múmkindikter ashady», - dep túsindirdi ol.