Balalardy qorǵaý kúnine oraı Qazaq memlekettik sırkinde múmkindigi shekteýli balalarǵa arnalǵan atpen serýendeý qaıyrymdylyq aksıasy ótti.
«Mundaı is-sharany jyl saıyn ótkizip otyrý dástúrge aınalǵan. Pandemıaǵa deıin 4000-6000 balany qamtıtyn tegin is-sharalar uıymdastyryp keldik. Karantındik shekteýler jumysymyzǵa kedergi keltirgeni ras. Biraq balanyń qýanyshyn shekteýge bolmaıdy. Karantındik sharttardy saqtaı otyryp, 40-qa jýyq balany qýantýdy uıǵardyq», – dedi mekeme basshysy Baqyt Bókebaev.
Qazaqstanda ıppoterapıa sekildi saýyqtyrý ádisi áli de bolsa keńinen tarala qoımaǵan. Mamandardyń aıtýynsha, ıppoterapıa sal aýrýymen aýyratyn balalardyń densaýlyǵyn jaqsartýǵa yqpal etedi, sebebi atqa minip, baıaý júrý deneni basqarýǵa úırenýge, qımyl-qozǵalys jáne sóıleý belsendiligin arttyrýǵa múmkindik beredi. Osy jańasha ádisti merekelik oıyn-saýyqqa aınaldyrǵanyna qýanǵan ata-analar alǵys bildirdi.
«Men múmkindigi shekteýli 8 jasar balanyń anasymyn. Balamnyń jylqyǵa otyryp qýanǵanyn kórip, meniń de kóńilim kóterilip qaldy», – deıdi Laýra Asqarqyzy.
Sonymen qatar, Qazaq memlekettik sırkiniń ártisteri Halyqaralyq balalardy qorǵaý kúnine oraı Bostandyq, Almaly, Medeý aýdandarynda ótkizilgen merekelik is-sharalarǵa qatysty.