Meksıkada jańa zań qabyldandy, ol saýda jáne qyzmet kórsetý salalaryndaǵy qyzmetkerlerge otyratyn orynǵa quqyq beredi. Endi kasırler, satýshylar jáne basqa da qyzmet kórsetý salasynyń qyzmetkerleri arqa tireýi bar oryndyqtardy paıdalaný nemese aýysym kezinde únemi úzilis jasaý múmkindigine ıe bolady, dep habarlaıdy aqshamnews.kz
Zań jumys berýshilerdi alty aı ishinde jumys aımaqtaryn oryndyqtarmen jabdyqtaýǵa mindetteıdi. Eger jumys sıpaty otyrýǵa múmkindik bermese, kompanıalar mindetti úzilisterge arnalǵan kestelerdi engizýge tıis.
Zań talaptaryn buzý 13 000 eýroǵa deıin aıyppul salýmen jazalanady, al qaıtalanatyn buzýshylyqtar qosymsha tekserýlermen qatańdatylýy múmkin.
Reformany qoldaǵan depýtat Patrısıa Merkado «eshkim de jumys kúnin turyp ótkizýi tıis emes» dep atap ótti. Statısıka boıynsha, Meksıkadaǵy qyzmetkerlerdiń shamamen jartysy óz aýysymdaryn turyp ótkizedi, olardyń kópshiligi úzilis jasaý múmkindigine ıe emes.