Qazaqstanda taǵy bir eldi meken ishimdikten bas tartty, dep habarlaıdy aqshamnews.kz
Aqmola oblystyq prokýratýrasynyń málimetinshe, Aqmola oblysy Jarqaıyń aýdanynyń Dalabaı aýylynda aýyl turǵyndarynyń kezdesýi ótken. İs-sharanyń negizgi taqyryby aýyl aýmaǵynda alkogól ónimderin satýdan erikti túrde bas tartý boldy.
"Bul bastama aýyl aqsaqaldarynyń qoldaýyna ıe bolyp, olar moraldyq qundylyqtardy, qoǵamdyq tártip pen ósip kele jatqan urpaqtyń qaýipsizdigin saqtaý mańyzdylyǵyn atap ótti. Kezdesý qorytyndysy boıynsha turǵyndar deni saý jáne qaýipsiz orta qurýǵa degen umtylysty bekitken hattamaǵa qol qoıdy", - delingen habarlamada.
Prokýratýra málimetinshe, mundaı bastamalar Qazaqstannyń túrli óńirlerinde iske asyrylyp jatyr.
"Keıbir óńirlerde sońǵy birneshe jylda birde-bir qylmys tirkelmegen, bul óz kezeginde atalǵan bastamalardyń qoǵamdyq tártip pen qaýipsizdikke oń áserin kórsetedi".