Jobany Aral aýdanynda ornalastyrý josparlanyp otyr.
2024 jyly Aral óńirinde kún elektr stansıasy iske qosylmaq, dep habarlaıdy Almaty-akshamy.kz inbusiness.kz silteme jasap.
Osy jyldyń 10 qarashasynda qýattylyǵy 20 Mvt kún elektr stansıasy jobasyn irikteý boıynsha ótken aýksıon qorytyndysynda otandyq "Tesıs" JSHS kompanıasy jeńimpaz dep tanyldy.
Jobany Aral aýdanynda ornalastyrý josparlanyp otyr. Kún elektr stansıasy úshin 50 ga aýmaq bólinbek. Kelisimshart boıynsha joba 2024 jyly iske qosylady.
"KAZAKH INVEST" UK" AQ óńirlik dırektory Murat Balabaevtyń aıtýynsha, kún elektr stansıasynyń qurylysy óńirge ınvestısıa tartýǵa, jumys oryndaryn ashýǵa, elektr energıasy tapshylyǵynyń bir bóligin jabýǵa, sondaı-aq atmosferaǵa shyǵarylatyn CO2 shyǵaryndylaryn azaıtýǵa múmkindik beredi.
Qyzylorda oblysynda qýaty 89 Mvt-ty quraıtyn 9 kún elektr stansıasy jumys isteıdi.
"Osy jyldyń 9 aıynda jańartylatyn energıa kózderi obektilerimen óndirilgen elektr energıasynyń kólemi 3,9 mlrd kVt-saǵatty qurap, ótken jyldyń sáıkes kezeńimen salystyrǵanda 21%-ǵa artty. JEK-tiń úlesine elimizde óndirilgen barlyq elektr energıanyń 4,6%-y tıesili", - delingen baspasóz habarlamasynda.
Aıta ketý kerek, respýblıkada jıyntyq qýaty 2388 MVt bolatyn jańartylatyn energıa kózderiniń 130 nysany bar.