Aqyly jol boıynda synyp qalǵan kólikti evakýator baratyn jerine deıin tegin jetkizip beredi.
Bul týraly «QazAvtoJol» ulttyq kompanıasynyń aqyly joldar dıreksıasy dırektorynyń orynbasary Sáken Ádilbekov BAQ ókilderine arnalǵan baspasóz týry barysynda málim etti, dep habarlaıdy Almaty-akshamy.kz
«Eger sizdiń kóligińiz aqyly jol boıynda synyp qalǵan jaǵdaıda, biz ony bara jatqan jerińizge tegin jetkizip beretin bolamyz. Iaǵnı aqysyz evakýasıalaımyz. Bul másele qazir qaralyp jatyr. Atalǵan shara jospar boıynsha bıyl iske qosylmaq. Qosymsha habar beriledi. Negizi jolda buzylyp qalǵan nemese jol-kólik oqıǵasyna tap bolǵan kólikterdi evakýasıalaý buǵan deıin de bar qyzmet. Oqys oqıǵa bolǵan jaǵdaıda bizdiń mamandar únemi qol ushyn sozady», - dedi Sáken Ádilbekov tilshilerdiń saýalyna jaýap bere turyp.