Aqtóbede salynyp jatqan jeke úıden shyqqan órt júk kóligine tarady, dep habarlaıdy Aqshamnews.kz tilshisi Tótenshe jaǵdaılar mınıstrliginiń baspasóz qyzmetine silteme jasap.
Málimetke sáıkes, oqıǵa «Poısk-2» baý-baqsha ujymynyń aýmaǵynda bolǵan. Órt qurylysy júrip jatqan úıdi, qasynda turǵan júk kóligin jáne mańaıdaǵy qurǵaq shópti sharpyǵan.
Oqıǵa ornyna jedel jetken órt sóndirýshiler jeńil avtokólikti aman alyp shyǵyp, gaz balondy syrtqa shyǵarǵan, osylaısha yqtımal jarylystyń aldyn alǵan. Sondaı-aq órttiń kórshi aýmaqtarǵa taraýyna jol berilmedi.
Jalyn 150 sharshy metr aýmaqta tolyq sóndirildi.