Qazirgi kezde jolaýshylarǵa ystyq tamaq jetkizildi.
Tótenshe jaǵdaı búgin Birshoǵyr stansıasynda bolǵan.
Zardap shekkender joq.
«Manevrlik lokomotıv «Bishkek-Samara» baǵytynda qatynaıtyn №317 jolaýshylar poıyzynyń teplovozymen soqtyǵysqan. Zardap shekkender joq. Jolaýshylar poıyz quramyndaǵy basqa vagondarǵa aýystyryldy", - dep habarlaıdy «QTJ UK» AQ baspasóz qyzmeti.
Oqıǵa ornynda Shalqar stansıasynyń qalpyna keltirý poıyzynyń kúshimen jumystar júrgizilýde. Oqıǵanyń oryn alýy sebepterin «QTJ» UK» AQ komısıasy tekseredi. Aldyn alǵy boljam boıynsha – kinárat manevrlik lokomotıv brıgadasynan bolǵan.
Qazirgi kezde relsten shyqqan «Bishkek-Samara» poıyzynyń jolaýshylaryna ystyq tamaq jetkizildi. Olardy dárigerler de qarap shyqty.