Kúdikti 35 jastaǵy áıel adam men 16 jastaǵy balasyn aıaýsyz óltirgen.
Aqtóbede 35 jastaǵy áıel adam men 16 jastaǵy balasyn aıaýsyz óltirgen kúdikti tergeý ızolátorynyń ájethanasynda asylyp qalǵan, dep habarlaıdy Almaty-akshamy.kz Tengrinews.kz silteme jasap.
Jantúrshigerlik oqıǵa 29 naýryzda Aqtóbede bolǵan edi. Oqıǵa qaladaǵy Jeńis dańǵyly, № 30 úıde bolǵan. Kúdikti 35 jastaǵy áıel adam men 16 jastaǵy balasyn aıaýsyz óltirgen. Marqumnyń 13 jastaǵy qyzy da aýyr jaraqattar alǵan. Ol jedel aýrýhanaǵa jetkizilip, artynsha operasıa jasaldy.
Aqtóbeniń qylmystyq-atqarý júıesi departamentiniń málimetinshe, tergeý-qamaýǵa alynǵan adamdy túnde mekeme qyzmetkerleri tapty. Kezekshi aýysymmen dereý alǵashqy medısınalyq kómek kórsetildi. Qabyldanǵan sharalarǵa qaramastan, kúdiktini qutqarý múmkin bolmady. Oqıǵa ornyna kelgen "jedel járdem" brıgadasy kúdiktiniń qaıtys bolǵanyn anyqtady.
Oqıǵa ornyna jedel tergeý toby kelgen.
«Oqıǵa sotqa deıingi tergep-tekserýlerdiń biryńǵaı tiziliminde tirkeldi, QR QK 105-baby boıynsha sotaldy tergeý bastaldy (ózin-ózi óltirýge deıin jetkizý). Qazirgi ýaqytta oblystyq Departamenttiń qyzmetkerleri qyzmettik tekserý taǵaıyndady, onyń nátıjeleri boıynsha qoldanystaǵy zańnamaǵa sáıkes sharalar qabyldanatyn bolady», - dedi departament ókilderi.