17 komanda birneshe kún boıy kúsh, jyldamdyq jáne eptilik boıynsha synǵa tústi.
Ofıserler úıinde «Qalqan» sporttyq týrnıriniń úzdik qatysýshylaryn marapattaý rásimi ótti, dep habarlaıdy Almaty-akshamy.kz
Respýblıkalyq spartakıada aıasynda Almatyda birneshe kún boıy jarys ótti. Almatyǵa ár óńirden jınalǵan 17 komanda kúsh, jyldamdyq jáne eptilik boıynsha synǵa tústi. «Jas sarbaz» qozǵalysynyń jas tárbıelenýshileri pnevmatıkalyq myltyqtan kim jaqsy atatynyn, shańǵyny jyldam tepkenin nemese úsh shaqyrymǵa júgire alatynyn anyqtady. Sonymen qatar, jigitter shtangaǵa tartylý boıynsha jaryssa, boıjetkender jattyǵý jasady.
Nátıjesinde baıqaýdyń ár nomınasıasy boıynsha jeńimpazdar anyqtaldy.
«Jastardy patrıottyqqa tárbıeleýde «Qalqan» respýblıkalyq qysqy spartakıadasynyń mańyzy zor. Uldar men qyzdar úshin bul ózin kórsetýdiń tamasha múmkindigi. Siz osy myqty, maqsatty jigitterge qarap, Qazaqstannyń bolashaǵy senimdi qoldarda ekenin túsinesiz», - dedi marapattaý rásiminde Aero-desanttyq-shabýyldaýshy áskerler qolbasshysynyń orynbasary Radjan Janysov.
Jarys kestesiniń tyǵyzdyǵyna qaramastan jas sportshylar mádenı-saýyq baǵdarlamasyna ýaqyt tapty. «Medeý» sport keshenin aralap, 842 baspaldaqty eńserip, bógetke saýyqtyrý satysymen kóterildi. Sondaı-aq, «Jas sarbaz» qozǵalysynyń músheleri delfınarııde bolyp, patrıottyq fılmdi tamashalady.