21 jastaǵy medbıke 2023 jyldyń jeltoqsanynan bastap 2024 jyldyń qyrkúıegine deıin kópsalaly oblystyq balalar aýrýhanasynyń reanımasıa bóliminde jumys istegen.
Ótken jyldyń mamyr aıynda ol aýyryp bastaǵan, al qyrkúıek aıynda oǵan ashyq túrdegi týberkýlez dıagnozy qoıylǵan.
«Alǵashynda ol JRVI-men aýyrdy, keıin eki ret pnevmonıaǵa shaldyqty. Jalpy, ol úsh ret aýrýhanaǵa jatqyzylǵan. Jumysqa ornalasý kezinde medısınalyq qyzmetkerdiń densaýlyǵynda eshqandaı másele bolmaǵan, ásirese reanımasıa bólimshesine qabyldaý kezinde bul talap qatań qadaǵalanady», — dep habarlady oblystyq densaýlyq saqtaý basqarmasynyń baspasóz qyzmeti.
Qazirgi ýaqytta medbıke qajetti em alyp jatyr. Al onyń 55 áriptesi dıaskın-test pen flúorografıadan ótip, olardyń arasynda aýrý anyqtalmaǵan.
Sondaı-aq medbıke baılanysta bolǵan 700-den astam balany tekserý bastaldy.