Tótenshe jaǵdaılar departamentiniń bastyǵy Nurǵalı Júnisov, 1 naýryzdan bastap barlyq jeke quram joǵary daıyndyq rejımine aýystyrylǵanyn málimdedi. Óıtkeni, «Qazgıdromettiń» derekterine sáıkes, 2024 jylǵy 9-10 naýryzla kúndizgi aýa temperatýrasy kóterilip, sondaı-aq, Yrǵyz, Muǵaljar jáne Shalqar aýdandarynda dalalyq qar qarqyndy erýi múmkin. Eldi mekenderdi, joldardy sý basý qaýpi bar.
Nátıjesinde, búgingi kúni uzyndyǵy 16 km sý tasqyny qaýpi bar ózenderdi túbin tereńdetý, jaǵalaýdy nyǵaıtý, tazartý, 46,6 km aryqtar men kanaldardy tazartý, 21 km qorǵanys bógetterin salý jáne aǵymdaǵy jóndeý, 5 gıdrotehnıkalyq qurylystardy jóndeý, 8,1 km sý burý arnalaryn salý, 3,1 km nóser kárizderin salý, 13 sý ótkizý qurylystaryn salý jáne 27 sý ótkizý qubyrlaryn ornatý, avtomobıl joldarynyń ýchaskelerinde 2 kópir salý jáne 6 kópir rekonstrýksıalaý boıynsha jumystar júrgizildi.
Budan basqa, respýblıkalyq, oblystyq mańyzy bar avtojoldarda, sondaı-aq, temirjoldarynda sý ótkizý qubyrlary men kópirlerdi tazartý jumystary júrgizilýde. Búginge, 1352 sý ótkizý qubyrlary tazartyldy. Sý ótkizý qurbyrlardy, aryqtar men kanaldardy tazartý jumystary jalǵasýda.
Búginge, oblys boıynsha 11 myńnan astam adam turatyn 36 eldi meken yqtımal sý basý aımaǵyna jatady, júrgizilgen jumystardyń arqasynda 11 eldi mekende sý basý qaýpi joıyldy, 10 eldi mekende qaýip barynsha azaıtyldy, 15 eldi mekende qaýip saqtalýda.
Turǵyn úılerdi erigen sý basýyna jol bermeý maqsatynda (2023 jylǵy jeltoqsannan bastap) ákimdikter eldi mekenderden 450 myń m3 qar shyǵardy.
Sý tasqyny jaǵdaıy kúrdelengen kezde ákimdikpen birlesip, jalpy sany 1 638 adam, 350 birlik tehnıka, 66 birlik júzý quraldary, 232 motopompa azamattyq qorǵaý qyzmetteriniń kúshteri men quraldary daıyndyqqa keltirildi. Janar-jaǵar maı, ınertti materıaldar, qaptar qorlary daıyndaldy.
Jeke quramnan 41 adam, 10 birlik tehnıka, 2 birlik júzý quraly jáne 8 birlik motopompadan turatyn shuǵyl den qoıý jasaǵy quryldy.