Oqıǵa 21 naýryzda Mártók aýdanyndaǵy Jaısań aýylynda bolǵan.
Aqtóbe oblysynda bir jasar qyz tórt metrlik qudyqqa qulap ketken, dep habarlaıdy Almaty-akshamy.kz Tengrinews.kz silteme jasap.
Oqıǵa 21 naýryzda Mártók aýdanyndaǵy Jaısań aýylynda bolǵan. Bir jasar qyz óz aýlasyndaǵy qudyqqa qulap ketken. Aýylǵa ortalyq sý qubyry tartylǵansha osy qudyqtan sý alynǵan. Shuńqyr jabylǵan, biraq jer shetterimen qırap, sańylaý paıda bolǵan, nátıjesinde bala sańylaýǵa qulap ketken.
«Qyzym eki metrge qulap ketken. Ol kezde jubaıym men qaıyn atam aýlada edi. Qaıyn atam ony ózi shyǵaryp almaq boldy, biraq ol tereńdep barǵan saıyn kórinbegen. Áıelim telefon soqty, men birden jettim, dosym Danıardy shaqyrdym. Bar sharýasyn tastap, Jaısańǵa keledi», - deıdi kishkentaı Mádına Medettiń ákesi.
Danıar tórt metr tereńdiktegi qudyqqa túsken. Kishkentaı qyzdy shyǵarý ońaı bolmaǵan. Danıar ony kúrteshesinen súırep almaq bolǵanda, qyzdyń kúrteshesi sheshilip qalǵan, al balany shyǵaryp ala almaǵan. Keıin ol jerdi qolymen tyrmaýǵa májbúr boldy. Biraz ýaqyttan keıin ol qyzdy kóterip úlgergen.
«Qutqarýshylar kelgende, balany alyp shyǵyp úlgergen. Danıarǵa alǵysymyz sheksiz. Onyń da kishkentaı balasy bar. Balaǵa jaqynda Sankt-Peterbýrgte ota jasaldy. Danıar jumyssyz, baspanasy joq. Biz oǵan kóp bolyp, bárimiz birigip ulyn emdeýge kómektestik. Endi qyzymyzdy aman alyp qaldy», - deıdi Medınanyń ákesi Medet Qaraqulov.
Oqıǵadan keıin Medettiń aýlasyndaǵy qudyq birden qorshalǵan. Qazir kishkentaı qyzdyń jaǵdaıy jaqsy.
Jeli qoldanýshylary Danıar Madıarovty marapattaý kerek degen pikirde.