Aqtaýda tártip saqshylary júk kóliginiń qozǵalysyn jolǵa tikendi jolaq tósep,toqtatýǵa májbúr boldy, dep habarlaıdy Aqshamnews.kz. Polisia.kz-ke silteme jasap.
Jaǵdaı qalaı boldy?
Oqıǵa 29 shildede, túngi saǵat 01:30 shamasynda Aqtaýdaǵy "Ómirzaq" óndiristik aımaǵynda boldy. Polıseıler joldan DAF markaly júk kóligin baıqaǵan. Júrgizýshiniń kúmándi áreketteri tártip saqshylarynyń nazaryn aýdarǵan. Olar kólik ıesine toqtaý týraly talap qoıǵanymen, júrgizýshi qashyp ketýge árekettengen.
"Qýǵyn kezinde ol qarsy baǵytqa shyǵyp, jol belgilerin elemeı, jolda qaýipti jaǵdaılar týǵyzdy", – dep málimdedi polısıa ókilderi.
Qýǵyndy toqtatý úshin polıseıler arnaıy tikendi jolaq ("ój") tósep, kóliktiń qozǵalysyn baıaýlatyp, toqtatty. Júrgizýshi dereý ustaldy.
Tártip buzýshy kim?
Anyqtalǵandaı, kólikti Túrkistan oblysynyń turǵyny júrgizgen. Ol júk tasymalymen aınalysatyny jáne kólikke tıisti qujattary bar ekeni belgili boldy. Alaıda er adam medısınalyq kýálandyrýdan bas tartqan.
Júrgizýshige qatysty kelesi quqyqbuzýshylyqtar boıynsha materıaldar jınaqtaldy:
-
Polısıanyń zańdy talabyna baǵynbaý;
-
Manevr jasaý erejesin jáne qarsy baǵytqa shyǵý tártibin buzý;
-
Medısınalyq kýálandyrýdan bas tartý;
-
Jol belgilerin elemeý jáne jolda apatty jaǵdaı týǵyzý.
Qazirgi ýaqytta avtokólik aıypturaqqa qoıylyp, is materıaldary sotqa joldandy.