Arman-tilekterdiń oryndalýy tek qana qıalǵa emes, durys qoıylǵan maqsat pen naqty erejelerge baılanysty. Mamandar armandy durys tileýdiń 7 erejesin usynady.
Endeshe, 2026 jylǵa jospar qurmas buryn osy erejelermen tanysyp shyǵyńyz.
1-ereje. Armanǵa oryn daıyndańyz
Ómirińizge jańa nárse kelýi úshin aldymen oǵan oryn bosatý qajet. Mysaly, jańa tońazytqysh alar aldynda eskisin shyǵaramyz nemese úıge jańa adam kelse, bólme daıyndaımyz. Arman da dál solaı.
Úıińizdi, barlyq bólmelerdi, balkon men garajdy:
• qajetsiz,
• merzimi ótken,
• synǵan,
• paıdalanylmaıtyn zattardan tazartyńyz.
Bul – birinshi ári óte mańyzdy qadam.
Keńes: osy iske keminde 3 kún arnańyz.
2-ereje. Arman-tilekterińizdiń eshkimge zıany tımeýi kerek
Aq paraqqa 30–40 maqsat nemese arman-tilegińizdi jazyńyz. Eń bastysy – olar eshkimge zıan keltirmeýi tıis.
Mysaly:
❌ «Súıiktim ajyrasyp, menimen bolsyn» deý, bóten adamǵa zıan keltiretin ekologıalyq jaǵynan las tilek.
✅ «Men súıispenshilikke toly baqytty qarym-qatynasta bolamyn».
Barlyq tizimdi jazyp bolǵan soń, 2026 jyly oryndalýyn qalaıtyn negizgi 10 maqsatty qaldyryńyz.
3-ereje. Arman tek ózińizge qatysty bolýy tıis
Iaǵnı, tilek basqa bireýge baǵyttalmaýy kerek.
Mysaly:
❌ «Kúıeýim kólik alyp bersin»
❌ «Ulym grantqa tússin» emes!
Durys nusqasy:
✅ «Meniń qarjylyq jaǵdaıym jaqsardy»
✅ «Men tynysh ári molshylyqta ómir súrip jatyrmyn»
Este saqtańyz: arman tek ózińiz týraly jazylady.
4-ereje. Arman shynaıy ári ózińizge jaıly bolsyn
Óz arman-tilegińizge ózińiz senýińiz qajet. Ol qıal-ǵajaıyp ertegige uqsamaýy tıis.
Mysaly:
«Álemge tanymal adamǵa turmysqa shyǵamyn» – bul formaldy túrde zıansyz bolǵanymen,
shyn máninde ol sizge saı ma, siz oǵan daıynsyz ba?
Arman:
• sizge qajet,
• qolaıly,
• ómir saltyńyzǵa saı bolýy kerek.
5-ereje. Armannyń oryndalýyna ruqsat berińiz
Kóp arman qorqynyshtyń qursaýynda qalyp qoıady.
Qorqynyshtyń mysaldary:
• belgisiz ortadan qorqý,
• aqshadan aıyrylyp qalý,
• apat, sátsizdik týraly oılar.
Ár arman-tilegińizdiń qasyna:
• 3 qorqynyshyńyzdy jazyńyz,
• olardy logıkalyq turǵyda joqqa shyǵaryńyz.
Qorqynyshtan arylǵan arman ǵana qozǵalysqa túsedi.
6-ereje. Armannyń oryndalǵanyn sezinińiz
Armanyńdy tek oılaý az, ony seziný kerek.
Mysaly, 2026 jyly Egıpetke saıahattaýdy armandasańyz:
• ystyq kúndi,
• qumdy,
• pıramıdalardy,
• sol sáttegi qýanysh pen tańdanysty elestetińiz.
Vızýalızasıa arqyly arman qýat alady.
Eger elestetý qıyn bolsa, ár tilektiń qasyna óz emosıańyzdy sózben jazyńyz.
7-ereje. Armanyńyzǵa naqty merzim qoıyńyz
Ár arman-tilekke oryndalý ýaqytyn naqty jazyńyz:
• jyl,
• aı,
• kún.
Mysaly:
Turmysqa shyǵý – 2026 jyl, 15 naýryz.
Merzimsiz arman – baǵytsyz maqsat.
Qorytyndy
Arman-tilek oryndalýy úshin ol:
1. Orny daıyn,
2. Ekologıalyq jaǵynan taza,
3. Tek ózińizge qatysty,
4. Shynaıy,
5. Qorqynyshtan azat,
6. Sezimmen qýattalǵan,
7. Naqty merzimi bar bolýy kerek.
Al siz 2026 jylǵa ne tiledińiz?