20–29 qańtar aralyǵynda Almaty qalasynda "Tūrmys" atty jalpy qalalyq jedel-aldyn alu ís-sharasy ūıymdastyrylyp jatyr. Būl otbasylyq-tūrmystyq qatynastardaǵy qūqyqbūzushylyqtardyń aldyn alu jáne jolyn kesu maqsatyndaǵy profılaktıkalyq ís-shara.
Ís-shara barysynda Medeu audany Polıtsıya basqarmasynyń qyzmetkerlerí tūrǵyn úı sektorynda profılaktıkalyq aralau jūmystaryn júrgízíp, esepte tūrǵan tūlǵalardy tekseríp jatyr, sondaı-aq tūrǵyndar arasynda qūqyqtyq túsíndíru jáne aldyn alu baǵytyndaǵy jūmystardy júzege asyryp jatyr.
Otbasylyq-tūrmystyq zorlyq-zombylyq faktílerí anyqtalǵan jaǵdaıda, zańnamaǵa sáıkes tıístí sharalar qabyldanady. Ís-sharanyń basty maqsaty – azamattardyń qūqyqtary men zańdy múddelerín qorǵau, otbasylyq-tūrmystyq qatynastar salasyndaǵy qūqyq būzushylyqtardyń aldyn alu jáne halyqtyń qūqyqtyq mádenıetín arttyru.
Medeu audany Polıtsıya basqarmasynyń 2025 jylǵy qorytyndysy boıynsha otbasylyq-tūrmystyq qatynastar salasynda 780 tūlǵaǵa qorǵau nūsqamasy shyǵarylyp, 121 tūlǵaǵa erekshe talap belgíleníp, profılaktıkalyq esepke alynǵan. Sonymen qatar, sot sheshímíne sáıkes 6 tūlǵaǵa psıhologıyalyq kómek kórsetílgen.
Otbasylyq-tūrmystyq zorlyq-zombylyqqa qarsy kúres bólímshesíníń ınspektorlary atalǵan profılaktıkalyq jūmystar 2026 jyly da jalǵasyn tabatynyn jáne oń nátıjege qol jetkízuge baǵyttalatynyn atap óttí.