Bokstan Olımpıada chempıony Serík Sápıev soqqyǵa jyǵyldy degen aqparatty polıtsıya rastady, dep habarlaıdy aqshamnews.kz
Oqıǵa 21 qańtar kúní keshkí uaqytta Qaraǵandy qalasynyń Būqar jyrau dańǵyly boıynda bolǵan. Jelídegí derekterge sáıkes, Sápıevke dene jaraqatyn salǵan kúdíktí retínde onyń orynbasary Dáuren Esímhanov atalady.
Oblystyq polıtsıya departamentí būl derektí rastady.
- 42 jastaǵy Qaraǵandy qalasynyń tūrǵynynyń aryzy negízínde ūryp-soǵu deregí boıynsha qylmystyq ís qozǵaldy. 21 qańtar kúní qaladaǵy sport keshenderíníń bírínde ekí er adam arasynda janjal tuyndaǵan, – deıdí polıtseıler.
Qazírgí uaqytta polıtsıya qyzmetkerlerí bolǵan oqıǵanyń barlyq mán-jaıyn anyqtau jūmystaryn júrgízude. Tergeu múddesíne baılanysty ózge aqparat jarıyalauǵa jatpaıdy.