Almatyda Telekommunıkatsıya jáne mashına jasau kolledjíníń jańa oqu korpustary men jataqhanasy salyndy. Qala ákímí Darhan Satybaldy jūmys sapary ayasynda bílím beru ūıymyna baryp, oqu úderísíníń ūıymdastyryluymen tanysty.
Kolledj telekommunıkatsıya jáne mashına jasau salasy úshín bílíktí maman dayarlaıdy. Oqu qazaq jáne orys tílínde ótedí. Dualdy oqytu júıesí men moduldík-qūzyrettílík tásíl qoldanylyp, teorıya men tájírıbe ūshtasyp, eńbek naryǵynyń talaptaryna saı maman dayarlauǵa múmkíndík beredí.
Kolledjdíń jobalyq quaty — 1 050 student. Onyń íshínde 340 student kolledjde tíkeleı (ekí auysymda) bílím alsa, qalǵandary kásíbı daǵdylardy salalyq kásíporyndar bazasynda óndírístík tájírıbe barysynda meńgeredí.
Bes bloktan tūratyn keshen 1940 jyldary salynǵan eskí ǵımarattardyń ornyna boı kótergen. Kolledj ınfraqūrylymynda jalpy bílím beretín pánderge arnalǵan 17 oqu kabınetí, 17 mamandandyrylǵan kabınet, 6 oqu sheberhanasy jáne 2 zerthana bar. Bílím alushylardyń jan-jaqty damuy úshín sport zaly, májílís zaly jáne 200 oryndyq ashana qarastyrylǵan. jūmys ísteıdí. Kolledj aumaǵynda 118 oryndyq jataqhana bar.
Sondaı-aq ǵımaratta ákímshílík kabınetter, medıtsınalyq punkt, kítaphana jáne oqu zaly ornalasqan. Aumaq kóríktendírílíp, kógaldandyrylǵan, sport alańdary bar. Ǵımarat pen oǵan írgeles aumaq tolyqtaı múmkíndígí shekteulí azamattarǵa qoljetímdí.
Kolledj basshylyǵynyń aıtuynsha, eńbek naryǵynda avtoslesar mamandary men logıstıka salasyndaǵy kadrlarǵa sūranys joǵary.
«Memleket basshysy atap ótkendeı, elímízdíń áleuetín eskere otyryp, Qazaqstan Eurazıyanyń negízgí logıstıkalyq habyna aınaluǵa tıís. Sondyqtan bílíktí mamandar dayarlau asa mańyzdy. Qala sapaly kásíbı bílím men praktıkalyq daıyndyqqa barlyq jaǵdaı jasalǵan zamanauı oqu ornyn saluǵa qarjy bóldí. Bíz zamanauı talaptarǵa saı kadr dayarlau baǵdarlamalary men bílím beru ınfraqūrylymyn odan árí damytamyz», — dedí Darhan Satybaldy.
Sonymen qatar jūmys sapary ayasynda Almaty ákímí tozyǵy jetken tūrǵyn úılerdí qaıta jańartu baǵdarlamasy boıynsha salynyp jatqan kóppáterlí tūrǵyn úılerdíń qūrylys barysyn tekserdí.
Atap aıtqanda, Túrksíb audanyndaǵy Altaı-2 shaǵynaudanynda ınvestor 57 qamys qabyrǵaly úıdí súríp, onyń ornyna 47 jańa tūrǵyn úı saludy josparlap otyr. Búgíngí tańda 6 eskí úı súrílíp, 48 menshík ıesí kompanıyanyń óz qonystandyru qory esebínen jańa baspanaǵa kóshíríldí. Jalpy, 2025 jyldyń qorytyndysy boıynsha tozyǵy jetken tūrǵyn úılerdí jańǵyrtu baǵdarlamasy ayasynda Almatyda 670 menshík ıesí jańa páterlerge qonystandy.