UQK Shekara qyzmeti qyzmettik ıtterge arnalǵan jem-shóp satyp alýǵa QQS-ty eseptemegende 3 mıllıard teńge bólgen, dep habarlaıdy aqshamnews.kz
Árqaısysy shamamen 1 mıllıard teńgeden turatyn úsh memlekettik satyp alýǵa Protenge Telegram-arnasy nazar aýdarǵan. Arna memlekettik portaldaǵy skrınshottardy dálel retinde keltirdi.
- Shynyn aıtsaq, mundaı shyǵynǵa ne derimizdi de bilmeı otyrmyz: maqtaný kerek pe, tańdaný kerek pe, álde alańdaıtyn ýaqyt keldi me? Kórsetilgen somaǵa qarasaq, ıtterdi elıtalyq jemmen tamaqtandyrýy tıis. Qyzmetin eskersek túsinýge bolady. Biraq shekarashylarda naqty qansha ıt bar jáne qurǵaq jemge 3 mıllıard teńge jumsaý qanshalyqty oryndy?, dep ıronıamen jazady Protenge.
UQK Shekara qyzmetiniń satyp alýlarynyń naqty kólemi men tıimdiligin baǵalaý ázirge múmkin emes. Sebebi tehnıkalyq tapsyrmalar men jetkizý kólemi ashyq qoljetimdi derekkózderde jarıalanbaǵan.
Komıtet jabyq qurylym sanalǵandyqtan, bul aqparattardyń barlyǵy qupıalylyq talaptaryna jatady.
Protenge dereginshe, naqty shyǵyn kólemi kórsetilgen somadan az bolýy yqtımal. Sebebi baıqaýlarǵa 127 áleýetti jetkizýshi qatysýǵa nıet bildirgen.
Alaıda kelisimsharttardyń sońǵy baǵasy men naqty satyp alynǵan kólemdi ashyq derekter arqyly tekserý múmkin emes.