Satyp alu qūqyǵymen beríletín tūrǵyn úıdí endí onlaın rejımde rásímdeuge bolady, dep habarlaıdy aqshamnews.kz "Azamattarǵa arnalǵan úkímetke" sílteme jasap.
Memlekettík korporatsıya "Jyljymaıtyn múlíkke qūqyqtardy (qūqyq auyrtpalyqtaryn) memlekettík tírkeu" qyzmetín onlaın rejımde kórsetuge arnalǵan pılottyq jobany íske qosqan.
"Endí satyp alu qūqyǵy bar jaldamaly tūrǵyn úıge ótíním beríp, elektrondyq shartty "Qazaqstandyq tūrǵyn úı kompanıyasy" AQ portaly arqyly rásímdeuge bolady. Būdan keıín qūqyqtar men auyrtpalyqtardy tírkeuge qajettí barlyq qūjat "Jyljymaıtyn múlíktíń bíryńǵaı memlekettík kadastry" júıesíne avtomatty túrde joldanady", - delíngen habarlamada.
Memlekettík korporatsıya ókílderíníń habarluynsha, būl jańashyldyq memlekettík qyzmettí alu merzímín qysqartuǵa, azamattardyń shyǵyndaryn azaıtuǵa, sondaı-aq protsestíń ashyqtyǵy men qoljetímdílígín arttyruǵa múmkíndík beredí.