Naýryzbaı aýdany turǵyndardyń ómir sapasyn jaqsartý úshin tynbaı jumys istep jatyr. Eńbekpen qamtý, mekenjaı boıynsha kómek kórsetý, barlyq jasqa arnalǵan tegin úıirmeler men kýrstar uıymdastyrýdan bastap, áleýmettik qoldaý jaǵy da qolǵa alynǵan. Óńirlik Komýnıkasıalar qyzmeti uıymdastyrǵan baspasóz konferensıasynda aýdan ákimi osyǵan jan-jaqty toqtaldy.
Naýryzbaı aýdany áleýmettik qoldaý men halyqty jumyspen qamtý jaǵyn myqtap qolǵa aldy. Qazir 583 otbasyǵa jalpy somasy 140,1 mıllıon teńge kóleminde mekenjaılyq áleýmettik kómek berilip jatyr. 12 ótinish berýshige 584 myń teńge kóleminde turǵyn úı kómegi kórsetildi.
Ulttyq kásipkerlikti damytý jobasy aıasynda aýdan boıynsha 2 713 adam jumysqa ornalasqan. Onyń ishinde 684 adam turaqty jumys, 1 714 adam qoǵamdyq jumystar aıasynda ýaqytsha jumysqa turdy. Sonymen qatar, 107 adam áleýmettik jumys oryndaryna, 64 adam qoǵamdyq jumys oryndaryna jiberilip, 48 jas maman praktıkadan ótipti.
Aýdan aýmaǵynda «Baqytty otbasy» men «Shyńǵa órleý» áleýmettik ortalyqtary jaqsy jumys istep jatyr. Bul ortalyqtar az qamtylǵan jáne kóp balaly otbasylarǵa jan-jaqty kómek kórsetedi. Munda áıelder tegin tigin isin, kosmetologıa negizderin, kompúterlik saýattylyq pen basqa da suranysqa ıe kásipti úırene alady. Balalarǵa óner men shet tilderi boıynsha sabaqtar uıymdastyrylady.
Aýdandaǵy qart turǵyndarǵa erekshe kóńil bólingen. «Belsendi uzaq ómir súrý ortalyǵynda» olar sportpen shuǵyldanyp, shyǵarmashylyqpen aınalysyp, bı synyptaryna qatysyp, densaýlyq saqtaýǵa baılanysty qyzmet kórsetedi olarǵa. Múgedektigi bar adamdar «TenQogam múgedekterge áleýmettik qoldaý ortalyǵynda» bazalyq kompúterlik daǵdylardy úırenip, aǵylshyn tilin oqyp, kásipkerlik trenıńterge qatysa alady.
Balalar men jastardyń shyǵarmashylyq jáne sportqa qabiletin damytýǵa baǵyttalǵan «DamuBala» baǵdarlamasy úlken suranysqa ıe. Osy baǵdarlamany júzege asyrýǵa jergilikti búdjetten 1,4 mıllıard teńge bólindi. Baǵdarlamanyń arqasynda 4 myńnan astam bala tegin úıirme men sport seksıasyna qatysady. Sonymen qatar, aýdan ákimdigi únemi osy bastamanyń sapasyn baqylap, esep berý konsertterin uıymdastyrady.
«Naýryzbaı aýdanynyń áleýmettik saıasaty ár adamnyń damýy men qoldaýyna naqty jaǵdaı jasaýǵa baǵyttalǵan» - deıdi Nazıra Toǵyzbaeva.