Aqtaý ortalyǵyndaǵy jasyl oazıs
Eksperımenttik botanıkalyq baqtyń mamandary sýbtropıkalyq ósimdikti otyrǵyzdy. Shetelden ákelingen pálmalardyń úsh túri baqtyń erekshe kórkin ashýda. Endi qazaqstandyq ǵalymdar osy ekzotıkalyq aǵashtardy óńirge jersindirý jumystarymen aınalysyp jatyr, dep habarlaıdy Almaty-akshamy.kz
Mańǵystaýdyń klımattyq kórsetkishterin zertteý nátıjeleri boıynsha, oblysta sońǵy 10 jyl ishinde 280 kún boıy jyly temperatýra saqtalǵan. Mamandardy mundaı termometr kórsetkishi qýantady. Qazir botanıkalyq baqtyń qyzmetkerleri aǵash dińin arnaıy kenep matamen orap, 1,5 metrlik pálmalardy qysqa daıyndap jatyr.
Aıta keteıik, bul tropıkalyq aǵashtar aıazǵa tózimdi bolyp keledi. Ekzotıkalyq ósimdikter mınýs 10 gradýsqa deıingi aýa temperatýrasyna tótep bere alady.
«Alǵashqyda 1-2 aı temperatýralyq rejımge beıimdelsin degen maqsatta óziniń ydysynda ustadyq. Qyrkúıek aıynan bastap ektik. Qarasha aıynyń aıaǵynda qysqa daıyndaımyz», - botanıka baǵynyń dırektory Aqjúnis Imanbaeva.
«Italándyq alba, tropıkalyq lımon, ananas, pálma, sýklent ósimdikteriniń túrlerin stýdenttermen kishi ǵylym akademıasynda ósirip, osy tabıǵatqa jersindiremiz. Zimbir, lımon sıaqty ósimdikterdi Mańǵystaýda óspeıdi deý durys emes. Marakýııa ósimdigin júzimmen almastyrýǵa bolady», - deıdi jaratylystaný ǵylymdary kafedrasynyń meńgerýshisi, profesor Latıpa Qojamjarova.