Aqtaý qalasynda qubyrdaǵy apat saldarynan birqatar shaǵynaýdanda aýyz sý berý shekteldi, dep habarlaıdy Aqshamnews.kz tilshisi.
«Kaspıı jylý, sý arnasy» memlekettik komýnaldyq kásipornynyń málimetinshe, qalanyń birneshe aýmaǵynda aýyz sý jartylaı toqtatylǵan. Saldarynan turǵyn úıler men áleýmettik nysandar aýyz sýsyz qalǵan.
Atap aıtqanda, 27-shaǵynaýdanda №2, 44, 45, 53, 54, 57, 71, 72, 74, 75, 76 ǵımarattar zardap shekken.
16-shaǵynaýdanda “Aısar” turǵyn úı kesheni, №18 ǵımarat, “Bek” meıramhanasy, bıznes ortalyǵy men monshada sý óshirilgen.
3V-shaǵynaýdanda energetıkalyq kolej ben oqý ortalyǵynda aýyz sý joq.
Sondaı-aq 4-shaǵynaýdanda №1, 2, 3, 20, 21, 67 úıler, №5 mektep jáne №67A ǵımarat sýmen qamtylmaı otyr.
Al 1-den 8-ge deıingi, sondaı-aq 14 jáne 15-shaǵynaýdandarda aýyz sý qysymy tómendetilgen.
Komýnaldyq kásiporyn ókilderi jóndeý jumystary aıaqtalǵan soń, sýmen jabdyqtaýdy qalpyna keltirý ýaqyty qosymsha habarlanatynyn málimdedi.
Eske salaıyq, buǵan deıin aýyz sýǵa arnalǵan jeke eseptegish quraly joq qazaqstandyqtardyń sýdy eki ese qymbat tóleıtini týraly jazylǵan bolatyn.