Aqtaýda turǵyn úı keshenderiniń birinde jas balalarynyń kózinshe er adam áıeline kúsh qoldanǵan. Ol ustalyp, polısıa basqarmasynyń ýaqytsha ustaý ızolátoryna qamaldy, dep habarlaıdy almaty-akshamy.kz oblystyq polısıa departamentiniń baspasóz qyzmetine silteme jasap.
"Qylmystyq is qozǵaldy. Tergeý múddesi úshin ózge aqparat jarıa etýge jatpaıdy", - dep málimdedi polısıa.
21 sáýirde áleýmettik jelide Aqtaýdaǵy turǵyn úı keshenderiniń baspaldaq alańynda balalarynyń kózinshe áıelin sabaǵan er adamnyń vıdeosy taraǵan. Vıdeoda er adam áıeliniń qolyn qaıyryp, ekinshi qolymen onyń aýzyn jabady. Osy kezde bireý kelip qalyp, ol áıeldi jibere salady. Bóten adam ketken soń ol óziniń basbuzar áreketine qaıta kirisedi. Bul joly áreket jedelsaty ishinde jalǵasady. Áıeldiń aıǵaılaǵan, balalardyń jylaǵan daýysy estiledi.