Túrkistan oblysyndaǵy Aqsý-Jabaǵyly qoryǵynda Tán-SHan qońyr aıýynyń vıdeosy paıda boldy, dep habarlaıdy Almaty-akshamy.kz QazAqparat-qa silteme jasap.
Aıýdy bloger Aıbar Tóleýbekov kamerasy bar dronnyń kómegimen túsirip alǵan.
«Biz Aqsý-Jabaǵyly qoryǵynyń aýmaǵyna kirmes buryn ruqsat aldyq. Bizdiń maqsatymyz - tabıǵattyń sulýlyǵyn túsirý boldy. Dronmen vıdeo túsirgen kezde aıý men onyń qonjyǵy kezdeısoq túsirilgenin baıqadym», - dep bólisti vıdeo avtory.
Tabıǵat týraly Tabigat Media onlaın-basylymnyń málimetinshe, qońyr aıýdyń shaǵyn túri sanalatyn Tán-SHan qońyr aıýy vıdeoǵa túsken. Ol Qazaqstannyń Qyzyl kitabyna engizilgen. Aqsý-Jabaǵyly – Qazaqstandaǵy eń eski jáne IýNESKO bıosferalyq qoryǵy mártebesin alǵan Ortalyq Azıadaǵy birinshi qoryq. Ol Batys Tán-SHan silemderinde teńiz deńgeıinen 1 000-nan 4 280 metrge deıingi bıiktikte ornalasqan.