Djo Baıden prezıdent saılaýyna qaıta túspeıtin boldy.
Bul jaıly AQSH prezıdenti óziniń áleýmettik jelidegi paraqshasynda málimdedi. Biraq prezıdet saılaýyna úmitker retinde óziniń orynbasary, vıse-prezıdent Kamala Harrısti usyndy, dep habarlaıdy Almaty-akshamy.kz.
Al respýblıkalyq partıanyń Kongrestegi ókilderi Aq úı basshysyn otstavkaǵa ketýdi talap etip jatyr.
Baıden ótken aıdyń sońynda basty qarsylasy Tramppen ótken teledebat kezinde birneshe ret sózden jańylyp, ózin sátsiz kórsetken soń halyq arasynda bedeli kúrt túsip ketken edi. Tipti eń jaqyn jaqtastarynyń ishinde de odan ekinshi ret prezıdent saılaýyna túsýden bas tartýdy talap etýshilen kóbeıgen. Al demeýshiler saılaý naýqanyna qarastyrǵan 90 mıllıonnan asa dolllardy bermeı toqtatyp tastaǵan-dy. Alǵashqy kúnderi buǵan narazylyq bildirip, qudaıdan buıryq kelmeı saılaýdan bas tartpaımyn dep málimdegen Aq úı basshysy arada eki apta ótkende raıynan qaıtýǵa májbúr boldy.
Reuters málimetinshe, Harrıske saılaýǵa qatysýǵa 1976 daýystyń ózi jetkilikti edi, degenmen ol 2538 daýysqa ıe bolǵan.
Ártúrli dárejedegi qylmyskerlermen kúrestim. Áıelderdi qorlaıtyn agresorlarmen kúrestim. Adamdardy aldaǵan alaıaqtarmen kúrestim. Bul kampanıada Tramptyń jetistikterine qarsy óz jetistikterimdi maqtanyshpen usyna alamyn, - dedi Harrıs óz sózinde.