Bul týraly Imıgrasıa jáne kedendik baqylaý qyzmetiniń (ICE) 2024 jylǵy qarashadaǵy esebinde aıtylǵan.
Barlyǵy ártúrli memleketterden 1 445 549 sheteldikti deportasıalaý josparlanýda. Bul tizimde Meksıka (252 044), Gvatemala (253 413), Gondýras (261 651) jáne Salvador (203 822) azamattary kósh bastap tur, dep habarlaıdy aqshamnews.kz.
Sondaı-aq, tizimde Qytaı (37 908) jáne Ortalyq Azıa elderiniń ókilderi bar: Ózbekstan (975), Qyrǵyzstan (319), Tájikstan (149), Túrikmenstan (40). Qazir bul adamdardyń barlyǵyna qatysty túpkilikti sheshim shyǵaryldy.
Esepte búgingi tańda joq elder - KSRO men Iýgoslavıa týraly da bar. Osy memleketterdiń tólqujattary bar azamattar óz aýmaqtaryn alyp jatqan elderge jer aýdarylady. Buǵan deıin Amerıka Qurama Shtattarynyń bıligi zańsyz mıgranttarǵa elden óz erkimen ketýdi usynǵan bolatyn. Kóshi-qon saıasatyn qatańdatý týraly Qazaqstan elshiligi de eskertti.