AQSH Prezıdenti Djo Baıden Faızer-Bıotek ekpesiniń úshinshi dozasyn qabyldady, dep habarlaıdy almaty-akshamy.kz
Osylaısha Aq úı basshysy kovıd indetine qarsy býsterdiń qaýipsiz ekendigin kórsetýdi uıǵardym deıdi. AQSH-tyń Aýrýlardy baqylaý jáne aldyn alý ortalyǵynyń mamandary ekpeniń úshinshi komponenti 65 jastan asqandar men arnaıy kútimdi qajet etetin adamdarǵa arnalǵanyn málimdedi. Sonymen qatar, úshinshi doza qaterli vırýsty juqtyrý qaýpi joǵary oryndarda jumys isteıtin 18 ben 64 aralyǵyndaǵy turǵyndarǵa alýǵa keńes berilgen. Býsterdi alý úshin ekinshi qos qomponentti alǵannan keıin 6 aı kútý qajet deıdi mamandar.
– Meniń jasym 65-ten asqan. Demek býsterdiń mańyzdylyǵyn túsiný kerek. Eń bastysy, ekpeniń tolyq komponentin alǵan adamnyń aǵzasy kovıdke de, basqa qaterli aýrýlarǵa da qarsy tura alady. Demek amerıkalyqtar úshinshi komponentti saldyrýdyń qajettigin uǵynýy tıis. Ókinishke qaraı, qazirgi tańda halqymyzdyń 23 prosenti vaksınanyń áli birde bir dozasyn almaǵan. Bul epıdjaǵdaıdy ýshyqtyra túsetini anyq deıdi Djo Baıden.
Aıta keteıik, osy kúnge deıin amerkıalyqtardyń 189 mıllıony nemese AQSH halqynyń 55 prosenti ǵana tolyqtaı vaksınalanǵan.