Maık Gallaher Tıktokty AQSH aýmaǵynda paıdalanýǵa tyıym salý kerek dep esepteıdi.
Taıaýda ǵana Indıana shtatynyń bas prokýrory jalǵan jarnama jasaǵany úshin «Tıktoktyń» ústinen sotqa shaǵym túsirgen edi. Qytaı bıliginiń qadaǵalaýyndaǵy áleýmettik jelige Vashıngton kúmánmen qaraıdy, dep habarlaıdy Almaty-akshamy.kz 24 kz tilshisine silteme jasap.
Respýblıkashyl depýtat Maık Gallaher Tıktokty AQSH aýmaǵynda paıdalanýǵa tyıym salý kerek dep esepteıdi. Jańa Kongrestegi arnaıy komıtettiń tóraǵasy qytaılyq áleýmettik jeli esirtki sıaqty tez táýeldilikti arttyrady, ásirese, jastarǵa keri áser etedi dep otyr. Sondyqtan depýtat «Tıktokty» tusaý úshin tabandylyq tanytyp, kúresýge bel býyp otyr.
- Amerıkadaǵy eń yqpaldy medıa-keńistikte Qytaı komýnıstik partıasy baqylaý júrgizip otyrǵanyn qalaımyz ba? Aldymen sony anyqtaýymyz kerek. Bul meni alańdatady. Sondyqtan Senattaǵy áriptesterim úkimettik qurylǵylarda «Tıktokqa» tyıym salý jónindegi zańdy birden qabyldaǵanyna qýandym. Endi biz ulttyq deńgeıde tyıym salýymyz kerek, - deıdi Respýblıkalyq partıa ókili Maık Gallaher.