TJD 112 SMS habarlamalaryna muqıat qaraýǵa shaqyrdy
Almaty qalasy Turǵyn úı saıasaty basqarmasynyń málimetinshe, Aqpan aıynyń sońyna deıin Almaty qalasynda aýa raıynyń qubylmalylyǵy, joǵarǵy temperatýradan tómengi temperatýraǵa kúrt ózgerýi, qar aralas jańbyr túrinde normadan joǵary jaýyn-shashynnyń túsýi, sondaı-aq joǵary ylǵaldylyq, aıaz, tuman jáne kóktaıǵaq kútilýde, dep habarlaıdy Almaty-akshamy.kz.
«Qurmetti almatylyqtar! Aqpan aıynyń sońyna deıin Almaty qalasynda aýa raıynyń qubylmalylyǵy, joǵarǵy temperatýradan tómengi temperatýraǵa kúrt ózgerýi, qar aralas jańbyr túrinde normadan joǵary jaýyn-shashynnyń túsýi, sondaı-aq joǵary ylǵaldylyq, aıaz, tuman jáne kóktaıǵaq kútilýde.
Osyǵan baılanysty Almaty TJD-niń 112 SMS habarlamalaryna muqıat qaraýdy, avtokólik júrgizý kezinde saqtyq sharalaryn saqtaýdy, jyldamdyqty azaıtýdy, qashyqtyqty saqtaýdy, kenetten manevrler men tejelýlerden aýlaq bolýdy suraımyz. Joldyń júrý bóliginde jáne trotýarlarda kóktaıǵaq paıda bolǵanda jaıaý júrginshiler saq bolý kerek, ásirese baspaldaqtardan tómen túsý jáne kóterilý kezinde.
Qymbatty Almatylyqtar - sál shydamdylyq tanytaıyq, jaqyn arada bizdiń súıikti qalamyzda kópten kútken uzaq jáne jyly kezeń bolatynyn umytpańyzdar! Jaqyndaryńyz ben óz densaýlyqtaryńyzǵa abaı bolyńyzdar!» delingen resmıhabarlamada.